“Шивээ-Овоо”-гийн уурхайн нийт хувьцааны 90%-ийг төр,10% -ийг хувьцаа эзэмшигчид эзэмшдэг, төрийн өмчит хувьцаат компани юм. Тус уурхай нь 25 жилийн хугацаанд Монгол улсын түлш, эрчим хүчний салбар, эдийн засагт зохих үүргийг гүйцэтгэтгэн, өөрийн хувь нэмрийг оруулсаар ирсэн. Үүний нэг тод жишээ нь Монгол улсын засгийн газар Үндэсний худалдаа аж үйлдвэрийн танхимаас тодруулдаг “Үндэсний Топ-100” аж ахуйн нэгжээр 2001-2014 онд нийт 11 удаа, Шилдэг татвар төлөгчөөр 3 удаа мөн 2013 онд “Шилдэг нүүрс олборлогч” байгууллагаар тус тус шалгарч байсан явдал юм.

Олон улсын төмөр зам болон авто замд холбогдсон.Улаанбаатар хотоос 260 км, Замын үүдээс 430 км-т оршдог. Дэд бүтцийн асуудал бүрэн шийдэгдсэн тул манай бүтээгдэхүүнийг хаанаас ч хэдийд ч худалдан авах боломжтой.

“Шивээ-Овоо”–гийн уурхай нь хямд өртөгтэй нүүрсээр хэрэглэгчдээ хангахын тулд өртөг зардлыг бууруулах тал дээр бүх шатандаа анхаарч ажилладаг.
Үнийн хувьд 1тонн нүүрсийг:

            Aвто тээврээр-30118₮
            Төмөр замаар-26642₮-өөр худалдан авах боломжтой.

2015 онд 549 ажилтантайгаар үйл ажиллагаа явуулж байгаа бөгөөд нийт ажилтнуудын боловсролын түвшинг харахад магистр, дээд, тусгай дунд, бүрэн дунд боловсролтой ажилчид 88%-ийг эзэлж байна. Ажилчидын тогтвор суурьшилын хувьд 5 буюу түүнээс дээш ажиллаж байгаа ажилчид 63%-ийг эзэлдэг.